Меѓународен ден на Спортот и Мирот

Меѓународниот ден на Спортот и Мирот е годишно одбележување на улогата која спортот ја поседува да поттикне социјални промени, развој и мир. 
Пливачка Федерација на Северна Македонија (ПФСМ) како дел од Светската Пливачка Федерација (ФИНА) и Македонски Олимписки Комитет (МОК) посакува спортот да биде задолжителна гранка во секоја фаза од животот.
Спортот има моќ да го промени светот, да ги зајакне социјалните врски и да ја промовира солидарноста и меѓусебното почитување. Олимписки спорт заедно со врвни спортисти, со своето заслужено место на пидесталот, заслужуваат да бидат наградени со највисоко признание од државата во која живеат и ја претставуваат во Светот. 

 

Откажано Европското Мастер Првенство во Пливање

За жал, по внимателно разгледување на сите можности, поради моменталната светска пандемија  Локалниот Организациски Одбор мораше да донесе тешка одлука за откажување на Европското Мастер Првенство во Пливање кое беше планирано да се оддржи во период од 22.05-06.06.2021.

 

ФИНА (вебинар) Семинар за судии во далечинско пливање

Пливачка Федерација на Северна Македонија во партнерство и професионална соработка со ФИНА во интерес и развој на водени спортови во МКД, објавува дека од 02 Април до 04 Април ќе одржи ФИНА (вебинар) Семинар за судии во далечинско пливање, на кој официјален ФИНА предавач ќе биде Г-дин Џон Смит од Нов Зеланд. 
Посакуваме успешен семинар за сите официјално регистрирани учесници од С. Македонија и официјално пријавени учесници од други пливачки федерации од светот.
 

 

ЛЕН со одлука Европското Јуниорско Првенство да се одржи во Рим-Италија

Европска Пливачка Федерација – ЛЕН донесе дефинитивна одлука оваа година Европско Јуниорско Првенство во пливање да се одржи во Рим-Италија. Дата на одржување од  06 до 11. Јули,2021.

 

FINA (webinar) едикација за пливачки судии

Пливачка Федерација на Северна Македонија (ПФСМ) како активна членка во ФИНА, и единствена призната и надлежна федерација за водени спортови во нашата држава и нејзин меѓународен репрезент во светот, со задоволство објавува дека во период 19-21.03.2021г ФИНА и ПФСМ согласно цврсто спортско партнерство и заедничка стратегија за едукација и развој на сите чинители вклучени во пливачки спорт, организираат FINA (webinar) едикација за пливачки судии. ФИНА предавач е познатиот етаблиран пливачки судија Господин Jens-Christian Iversen од Данска.

 

ИНФОРМАЦИЈА

Пливачка Федерација на Северна Македонија (ПФСМ) со задоволство Ви пренесува порака од Претседател на Европска Пливачка Федерација -ЛЕН, Господин Паоло Барели.
– Европско Првенство во водени спортови ќе биде одржано во предвиден термин 10-23.05.2021 во Будимпешта, Унгарија.
Согласно сите здравствени и санитарни протоколи за одржување меѓународни официјални натпревари, со една единствена цел – здравје и безбедност на секој учесник, како и фактот што за сите европски врвни спортисти во водени спортови ова ќе биде единствен официјален голем натпревар пред Олимписки Игри во Токио, предвидени за одржување во период Јули-Август,2021г.
Секоја нова официјална информација од страна на ЛЕН, ПФСМ како единствена призната и надлежна федерација за водени спортови во Р.С. Македонија, како и нејзин единствен легитимен репрезент во светот, ќе биде веднаш објавена во интерес на наши регистрирани пливачи и тренери кои преставуваат наш приоритет.

 

ПФСМ сo судија на ЛЕН листа на ватерполо судии

После 8 години немање ватерполо спорт и интернационален ватерполо судија во Европската Ватерполо Асоцијација, ПФСМ со гордост објавува и воедно му честита на нашиот ватерполо ЛЕН судија, Г-дин Ристо Дамчевски кој од денес е на ЛЕН ватерполо листа на судии. 

Целата листа: http://www2.len.eu/?page_id=7123&discipline=4

Официјално тројца наши судии на ФИНА листата за технички лица

Официјално пристигна и ФИНА листа за технички лица-судии за олимписко пливање во период од 01.01.2021-31.12.2024г, каде за прв пат во наша пливачка историја официјално (засега) имаме тројца наши судии. 
Честитки од ПФСМ за Стефан Јакимовски, Маја Ивановска и Никола Стојановски.

Целата листа може да ја погледнете на следниот линк: http://fina.org/content/fina-officials-lists#main-content

Претседателот на ПФСМ- Александар Маленко избран за извршен член во Технички Комитет за Далечинско Пливање LEN – TOWSC

Официјално, денес на Управен Одбор на Европска Пливачка Федерација – ЛЕН, нашиот Претседател Александар Маленко избран за извршен член во Технички Комитет за Далечинско Пливање LEN – TOWSC, со мандат од четири години (2020-2024г).
Воедно, со тоа стана и еден од четирите кандидати на ЛЕН за следната година на Изборен Конгрес на Светска Пливачка Федерација – ФИНА,Јуни 2021г, за член во ФИНА Технички Комитет – FINA TOSWC.

Одржан третиот Меѓународен Пливачки Митинг- LEN SKOPJE OPEN 20′

Изминатиов викенд (14-15.11.2020г) на Базен А1- СЦ Борис Трајковски, Скопје се одржа ЛЕН-Скопје Опен (25м базен) Меѓународен Пливачки Митинг.
Во организација на ПК Скопје-Скопје, согласно календар на официјални пливачки натпревари при ПФСМ и согласно здравствен протокол од МЗ, поради светска пандемија КОВИД-19.
Нашите млади пливачи постигнаа одлични резултати за овој период, соборија и неколку рекорди во дисциплини, во свои категории. Најистакнати пливачи кои го обележаа пливачкиот митинг беа: Ева Петровска, Сара Јанковиќ, Катја Танаскоска, со испливани свои најдобри времиња во свои дисциплини.
Честитки за организаторот, раководството на Базен А1-СЦ Борис Трајковски, како и на сите учесници (пливачи и тренери) од нашата држава, како и за пливачи и тренери, учесници од Косово, Србија , Босна и Албанија.
ПФСМ пред се, посакува добро здравје на сите спортисти и тренери, тренинг и нека што побрзо заврши пандемија, како сите би биле подобри, поуспешни и со насмевка на нареден пливачки митинг.
 
Резултатите може да ги погледнете на следниот линк: http://live.swimrankings.net/27085/

Официјално промовирана првата Национална Стратегија за Пливање (2020-2036г) во С. Македонија

Денес во простории на Олимписки Комитет на Северна Македонија-МОК, од страна на Претседател на ПФСМ Александар Маленко (воедно и член на Управен Одбор на МОК, одговорен за индивидуален олимписки спорт) и највисоко ПФСМ раководство Генерален Секретар Владимир Пејковски, Потпретседател Дарко Петровски, заедно со Претседател на МОК, Г-дин Даниел Димевски, Спортски Директор Владимир Богоевски, официјално ја претставија првата Национална Стратегија за Пливање 2020-2036г, која претставува основ за постигнување континуиран врвен спортски резултат наредни 16год, развој и едукација на пливачки тренери, воведување професионален систем на работа, изградба и раководење на пливачки центри во нашата држава…
Главен збор имаше и Нашиот почесен доживотен Претседател на МОК, Проф.Др.Васил Тупурковски кој истакна колкаво круцијално значење во овој момент има оваа веќе официјално светски призната Национална Стратегија за Пливање 2020-2036г изготвена од ПФСМ.
ПФСМ е и секогаш ќе биде отворена за врвни пливачки таленти, професионални тренери и врвни спортисти. Нека Ни е со среќа на сите.

Целата стратегија може да ја најдете во Документи-Останато, а повеќе слики од целиот настан во Галерија. 

ЕУ Ерасмус + Проект “SwimRun“

Пливачка Федерација на Северна Македонија е проект партнер на ЕУ Ерасмус + проектот “SwimRun“, 2021/2022 година. 

“World Anti-Doping Agency”

Пливачка Федерација на Северна Македонија како активен член во ФИНА и партнер на Светска Анти-Допинг Агенција ја презентира најновата забранета листа за 2021год. Листата е редизајнирана со цел да се подобри навигацијата и употребата за спортистите.

Целата листа може да ја погледнете тука:
https://www.wada-ama.org/en/resources/science-medicine/prohibited-list-documents

НОВ НАЦИОНАЛЕН КАДЕТСКИ РЕКОРД ВО ДИСЦИПЛИНА 50М ДЕЛФИН

Поставен е нов национален пливачки кадетски рекорд во дисциплина 50м делфин, 0:26сек:37ст од страна на наш кадетски и младински репрезентативец во пливање- 16 годишниот Стефан Цветковски, член на Пливачки Клуб- Скопје, Скопје официјално испливан во Софија, Р.Бугарија, на Отворено Национално Првенство во Пливање (50м -олимписки базен).
Од име на ПФСМ, честитки, со надеж за уште поголеми резултати на идни официјални меѓународни пливачки натпревари преставувајќи ја со гордост нашата држава.

FINA WORLD AQUATICS DAY 2020

Пливачка Федерација на Северна Македонија, како активен член во ФИНА, по втор пат (прв пат 2019г Куманово) беше организатор на Светски Ден на Водени Спортови. 
Овој пат, Охрид заедно со Охридско Езеро беа домаќини на Балканско пливање и водени спортови, на 15ти Август (Сабота). На овој настан покрај наши пливачи, тренери со ФИНА лиценца, учествo заземаа и пливачи почетници кои прв пат беа запознаени со основи на пливањето. 
Сите учесници по завршување на настанот се здобија со сертификат за учество и брендирани подароци од ФИНА и ПФСМ. 

COVID-19 FINA Advisory

FINA Recommendations, control and prevention

Пливачка Федерација на Северна Македонија како активен член на Светска Пливачка Федерација-ФИНА во целост пренесува препораки за превенција за сите активни пливачи во време на Светска пандемија COVID-19 од страна на Светска Здравстена Огранизација и ФИНА.

https://www.fina.org/sites/default/files/fina_covid-19_presentation.pdf

“

First World Championship Open Water Swiming- 35km, Ohrid 1962

СЕВЕРНА МАКЕДОНИЈА ЗА ПРВ ПАТ ВО СВОЈА ИСТОРИЈА ДОБИ ПРАВО ДА ДЕЛЕГИРА СВОИ ЛИЦЕНЦИРАНИ FINA - СУДИИ ЗА ОФИЦИЈАЛНИ МЕЃУНАРОДНИ НАТПРЕВАРИ

Светската пливачка федерација FINA, го препозна професионализмот и посветеноста на Пливачката федерација на Северна Македонија (ПФСМ), чие раководство деноноќно и макотрпно работеше во изминатиот три годишен период.

Имено, FINA испрати официјално известување до ПФСМ, со целокупна потребна документација, во кое нè известува, дека Северна Македонија е една од дваесет и седумте држави во целиот свет (203 вкупно регистрирани пливачки нации), со стопостотна релизација на официјални FINA светски семинари за обука, едукација и лиценцирање за пливачки тренери, судии и делегати во последните 36 месеци. Врз основа на ова, Северна Македонија доби право да делегира свои лиценцирани FINA – судии за пливање на светска судиска листа – FINA swimming official list #21.

Со ова, за првпат во историја ќе имаме наши претставници за судии и делегати на официјални меѓународни натпревари во пливање: Светски и европски првенства, Младинска олимпијада, Европски олимписки фестивал, Медитерански игри, Олимписки игри (2021 Токио) и Олимписки игри (2024 Париз).

ФИНА издвојува 6,4 милиони долари за поддршка во борба против КОВИД-19

Пливачка Федерација на Северна Македонија како активен член во ФИНА ќе биде дел од секоја официјална ФИНА програма за поддршка на федерации за свои регистрирани пливачи и тренери, репрезентации, се со една единствена цел-постигнување на врвен спортски резултат и достојно преставување на наша држава надвор од граници, на официјални пливачки натпревари.

Повеќе информации може да прочитате на следниот линк: https://fina.org/news/pr-20-fina-allocates-us-64-million-covid-19-support-plan

Европско Првенство во Пливање (25м) со нова дата за одржување

Европско Првенство (25м базен) поради измена на дата за Светско Првенство доби нова дата за одржување, во иста година. Нова официјална дата е 02-07 Ноември, 2021г Казан, Русија.
 
 

Нова официјална дата за Светско Првенство во Пливање (25m), Абу Даби

Поради актуелна состојба со COVID-19 во Светот, Светска Пливачка Федерација-ФИНА во согласност со барање на надлежни органи на Обединетите Арапски Емирати, одлучи да го одложи Светското Првенство во Пливање (25м). Нова официјална дата за одржување е 13-18.12.2021. 

Одложени сите Медитерански Куп натпревари за 2020г

Согласно вонредна состојба поради Светска Пандемија- COVID 19, Медитеранска Пливачка Конфедерација – COMEN, каде ПФСМ е активен член, денес преку видео конференција со сите членки, донесе едногласна одлука за одложување на сите Медитерански Куп натпревари за 2020г во водени спортови.

ЕП во пливање-Будимпешта со нова официјална дата на одржување

ПФСМ,како дел од Европска Пливачка Федерација -ЛЕН, објавува соопштение со нова дата за одржување на Европско Првенство во Пливање и Далечинско Пливање -Будимпешта, 10-23.05.2021г

Светско Првенство во пливање- Фукуока, доби нов официјален датум на одржување

Пливачка Федерација на Северна Македонија како дел од светска пливачка федерација-ФИНА, Ви пренесува официјално соопштение за дата на одржување на идно Светско Првенство во Пливање и Далечинско Пливање, одложено поради светска пандемија -Covid 19. Нов датум за одржување е 13-29.05.2022.

EnglishMacedonian